सूम पतिनी सो कहै सुन सपने की बात ,
अकथ कहानी रात बरसत हारो तो ।
चानी मे खरो तो जिमि गाढ़ि के धरो तो ,
ताहि मन मे बिचारि खोदि हाथ को निकारो तो ।
कहै कवि राम आयो कवि एक ताही समै ,
कवित्त पढ़ो तो हौँ तो दीबो अनुसारो तो ।
होतो कुलदाग बड़े जेठन के भाग अरे ,
जागि न परो तो मैं रुपैया दिये डारो तो ।

रामजी का यह दुर्लभ छन्द श्री राजुल मेहरोत्रा के संग्रह से उपलब्ध हुआ है।

उमडि घुमडि घन छोरत अखंड धार
चंचला उठति तामें तरजि तरजि कै.
बरही पपीहा भेक पिक खम टेरत हैं,
धुनि सुनि प्रान उठे लरजि लरजि कै.
कहै कवि राम लखि चमक खदोतन की,
पीतम को रही मैं तो बरजि बरजि कै.
लागे तन तावन बिना री मनभावन के,
सावन दुवन आयो गरजि गरजि कै.